Enrique Balvis Menor Ourense

Enrique comeza con 9 anos os seus estudos musicais no Conservatorio Profesional de Música de Ourense ao mesmo tempo que recibía clases particulares de trompeta con Albino, trompetista de Los Artes, Alborada, etc. As súas clases de trompeta proseguiron con Horacio, trompetista chileno que tocou con Juan Seoane e tamén con Víctor, o Gran Mollo (trompetista de Los Player's). Un tempo despois comeza a ir a clases de batería con Carlos González (batería de Tony Pérez y Los Arquinos). A súa andadura no mundo da verbena comeza aos 14 anos cando entra a formar parte de diferentes formación musicáis, como son: Orquesta Boreal, Odisea, Alborada, Mónaco, Nova Big Band de Xinzo, Crisol, Onda Cero, Amanecer, Tony Pérez y Los Arquinos, Victoria, Simpatía, Galáctica de Ribeira, etc. Tamén estivo noutras formacións como en Gravestones Sonidos, a Banda Militar da BRILAT (Pontevedra) e en charangas como Airiños de Ourense, Santiago Apóstol, Solana, Fuego... Na actualidade forma parte da familia TdB, charanga con 18 anos de traxectoria afincada na Pobra de Trives (Ourense).